Checkup ng Batang Walang Sakit: 2 Taon

Pagbigkas ng hindi bababa sa 2 salita nang magkasama, tulad ng "gatas pa"

Pagturo ng hindi bababa sa 2 parte ng katawan at pagturo ng mga larawan sa mga libro

Gumagamit ng mga kilos tulad ng paghihip ng halik o pagtango ng oo

Pagtakbo at pagsipa ng bola

Nakakapansin kapag ang iba ay nasaktan o masama ang loob. Maaari silang huminto o magmukhang malungkot kung may umiiyak.

Paglalaro ng higit sa 1 laruan sa isang pagkakataon

Sinusubukang gumamit ng mga switch, knob, o button sa isang laruan

Panatilihin ang pagbibigay ng iba’t ibang kukutin habang kumakain. Huwag sumuko sa pag-aalok ng mga bagong pagkain. Madalas na inaabot ng ilang pagtatangka bago magsimula ang isang bata na magustuhan ang isang bagong lasa.

Kung nagugutom ang iyong anak sa pagitan ng mga pagkain, mag-alok ng masusustansiyang pagkain. Magagandang pamimilian ang hiniwang mga gulay at prutas, keso, peanut butter, at mga biskwit. Magtabi ng mga meryenda tulad ng sitsirya o cookies para sa mga espesyal na handog.

Huwag puwersahin ang iyong anak na kumain. Kakain ang batang nasa ganitong edad kapag gutom. Malamang na may mga araw na kakain siya nang mas marami kaysa ibang araw.

Lumipat mula sa purong gatas at gawing gatas na kakaunti ang taba o walang taba. Itanong sa tagapangalaga ng kalusugan kung alin ang pinakamainam para sa iyong anak.

Dapat manggaling sa matitigas na pagkain ang karamihan sa calories ng iyong anak, hindi sa gatas.

Bukod sa pag-inom ng gatas, tubig ang pinakamainam. Limitahan ang katas ng prutas. Dapat na 100% katas ng prutas ito at maaari mo itong dagdagan ng tubig. Huwag bigyan ng soda ang iyong anak na paslit.

Huwag hayaan ang iyong anak na magpalakad-lakad habang may hawak na pagkain. Isa itong panganib na makasamid. Maaari din itong humantong sa pagkain nang sobra habang tumatanda ang bata.

Sipilyuhin ang mga ngipin ng iyong anak nang dalawang beses sa isang araw. Gumamit ng kaunting fluoride toothpaste na hindi mas malaki sa butil ng bigas. Gumamit ng sipilyo na dinisenyo para sa mga bata.

Kung hindi mo pa nagagawa, dalhin ang iyong anak sa dentista.

Huwag pilitin ang iyong anak na gumamit ng palikuran. Maaari nitong mas pahirapin ang pagsasanay.

Ipaliwanag sa iyong anak ang paraan ng paggamit ng banyo. Hayaan ang iyong anak na panoorin ang ibang miyembro ng pamilya na gamitin ang banyo, upang matutunan ng bata kung paano ito ginagawa.

Maglagay ng arinola sa banyo, katabi ng inidoro. Hikayatin ang iyong anak na masanay sa paggamit nito sa pamamagitan ng pag-upo dito nang nakadamit o nakasuot lamang ng diaper. Habang mas nagiging komportable ang bata, subukang paupuin siya sa arinola nang walang diaper.

Purihin ang iyong anak para sa paggamit ng arinola. Gumamit ng isang sistema ng gantimpala, tulad ng tsart na may mga sticker, upang matulungan ang iyong anak na masabik sa paggamit ng arinola.

Unawain na mangyayari ang mga aksidente. Kapag naaksidente ang iyong anak, huwag itong gawing malaking problema. Huwag kailanman parusahan ang bata sa pagkakaroon ng aksidente.

Kung mayroon kang mga alalahanin o kailangan ng higit pang payo, makipag-usap sa tagapangalaga ng kalusugan.

Hikayatin ang iyong anak na magkaroon ng sapat na pisikal na gawain sa araw. Makakatulong ito sa pagtulog nila sa gabi. Makipag-usap sa tagapangalaga ng kalusugan kung kailangan mo ng mga ideya sa masisiglang uri ng laro.

Sundin ang rutina sa oras ng pagtulog bawat gabi, tulad ng pagsisipilyo na susundan ng pagbabasa ng libro. Subukang panatilihin ang parehong oras sa pagtulog at rutina bawat gabi.

Huwag patulugin ang iyong anak nang mayroong anumang maiinom.

Kung problema ang pagpapatulog sa iyong anak sa buong gabi, humingi ng payo sa tagapangalaga ng kalusugan.

Huwag hayaan ang iyong anak na maglaro sa labas nang walang sumusubaybay. Ituro ang pag-iingat sa paligid ng mga sasakyan. Dapat na palaging nakahawak ang iyong anak sa kamay ng nakatatanda kapag tumatawid ng kalsada o nasa paradahan.

Protektahan ang iyong paslit mula sa pagkahulog. Gumamit ng matitibay na screen sa mga bintana. Maglagay ng mga gate sa itaas at ibaba ng mga hagdanan. Subaybayan ang bata sa hagdanan.

Kung mayroon kayong swimming pool, lagyan ng bakod ang palibot nito. Isara at ikandado ang mga gate o pinto papunta sa pool. Turuan ang iyong anak kung paano lumangoy. Ang mga bata sa edad na ito ay kaya nang matuto ng pangunahing kaligtasan sa tubig. Huwag kailanman iwanan ang iyong anak nang walang bantay malapit sa isang anyong tubig.

Pagsuotin ang iyong anak ng lapat na lapat na helmet kapag nakasakay sa scooter, bisikleta, o tricycle, o kapag nakasakay sa likod ng bisikleta ng isang adulto.

Magplano nang maaga. Sa edad na ito, sobrang mausisa ang mga bata. Posible silang mapalapit sa mga bagay na maaaring maging mapanganib. Maglagay ng mga kawit sa mga kabinet. Ilagay ang mga produktong tulad ng mga panlinis at gamot sa lugar na hindi kayang abutin.

Maging maingat sa mga bagay na maaaring makasamid. Bilang tuntunin, maaaring makasamid sa sanggol ang isang bagay na napakaliit na kasya sa loob ng toilet paper tube.

Turuan ang iyong anak na maging maamo at maingat sa mga aso, pusa, at iba pang hayop. Palaging bantayan ang mga bata sa paligid ng mga hayop, kahit na sa mga kilalang alaga ng pamilya. Huwag kailanman hayaan ang iyong anak na lumapit sa hindi kilalang aso o pusa.

Sa kotse, palaging paupuin ang iyong anak sa car seat na nasa upuan sa likod. Dapat paupuin ang mga sanggol at paslit sa car safety seat na nakaharap sa likuran hangga’t maaari. Ibig sabihin, hanggang sa maabot nila ang pinakamataas na timbang at taas na pinapayagan sa kanilang upuan. Tingnan ang mga tagubilin para sa iyong safety seat. Mayroong mga limit sa taas at timbang ang karamihan sa mga convertible safety seat na nagpapahintulot sa iyong mga anak para sumakay nang nakaharap sa likuran para sa 2 taon o higit pa. Dapat sumakay sa likod na upuan ng kotse ang mga batang wala pang 13 taong gulang. Kung may mga tanong, magtanong sa tagapangalaga ng kalusugan ng iyong anak.

Itago itong numero ng telepono ng Poison Control sa isang lugar na mabilis makita, tulad ng sa refrigerator: 800-222-1222.

Kung nagmamay-ari ka ng isang baril, panatilihin itong walang bala at nakakandado. Huwag kailanman payagan ang iyong anak na paglaruan ang iyong baril.

Limitahan ang screen time hanggang 1 oras bawat araw. Kasama rito ang oras ng panonood ng TV, paglalaro sa tablet, computer, o smart phone.

Hepatitis A

Trangkaso (flu)

Madalas na magbasa nang magkasama. Pumili ng mga libro na naghihikayat ng pakikisali, tulad ng pagturo sa mga larawan o paghipo sa pahina.

Tulungan ang iyong anak na matuto ng mga bagong salita. Sabihin ang mga pangalan ng mga bagay at ilarawan ang iyong paligid. Matatandaan ng iyong anak ang mga bagong salita na maririnig niyang sinasabi mo. At huwag magsabi ng mga salita sa paligid ng iyong anak na hindi mo gustong ulitin!

Sikaping unawain ang sinasabi ng iyong anak. Sa ganitong edad, nagsisimulang sabihin ng mga bata ang kanilang mga pangangailangan at kagustuhan. Patatagin ang pag-uusap na ito sa pamamagitan ng pagsagot sa itinatanong ng iyong anak, o pagtanong ng sarili mong mga tanong upang kanyang sagutin. Huwag mag-alala kung hindi mo maunawaan ang marami sa mga salitang sinasabi ng iyong anak. Ito ay talagang normal.

Makipag-usap sa tagapangalaga ng kalusugan kung nag-aalala ka sa pag-unlad ng pagsasalita ng iyong anak.