Nutrisyon Habang Nagpapasuso

Kailangan ko ba ng espesyal na diyeta para sa pagpapasuso?

Ikaw ay hindi dapat kumain ng espesyal na diyeta para makagawa ng sapat na gatas para sa iyong sanggol. Magiging maganda ang kalidad ng iyong gatas para sa iyong sanggol anuman ang iyong kainin. Ngunit kailangan ng iyong katawan ng pinagmumulan ng enerhiya upang gumawa ng gatas sa dibdib. Kailangan ng mga taong nagpapasuso ng halos 500 dagdag na calorie kada araw. Maaaring kailangan ng ilang tao ang mas marami pa. Maaring kailangan ng ibang tao ang mas kaunti. Kaya kumain ka ng sari-saring masusustansyang pagkain.

Ang masustansyang diyeta

Mahalaga ang masustansyang diyeta sa lahat ng taong nagpapasuso at nagbibigay ng maraming benepisyo sa isang bagong magulang. Kapag pumipili ng mga pagkain, gamitin ang tsart sa ibaba bilang isang gabay.

Ano ang mabuti para sa iyo?

Narito ang ilang bagay na gagawin:

• Uminom ng mga likido kapag nauuhaw ka. Walang partikular na dami ng tubig na kailangan mo na dapat inumin para makagawa ng sapat na gatas.

• Sundin ang malulusog na patnubay sa pagkain.

• Magmeryenda ng prutas o mga pagkaing gawa sa gatas na kaunti ang taba kung nagugutom ka sa pagitan ng mga pagkain.

• Kung inirerekomenda ng iyong tagapangalaga ng kalusugan, manatiling umiinom ng mga bitaminang pambuntis.

• Magkaroon ng maraming pahinga.

Ano ang hindi mabuti para sa iyo?

Narito ang iba pang mga bagay na isasaalang-alang:

• Limitahan ang matatabang pagkain at mga pagkaing maraming asukal. Kabilang dito ang mga pagkaing tulad ng mga cookie at cake.

• Dapat mong malaman na kung ano ang pumapasok sa iyong katawan ay maaaring pumunta sa iyong gatas sa dibdib.

• Limitahan ang caffeine. Hindi lang ito nasa kape. Naroon din ito sa cola, tsaa, at tsokolate.

• Limitahan ang dami ng isdang iyong kinakain na maaaring may mercury. Kabilang dito ang tuna at swordfish.

• Makipag-usap sa iyong tagapangalaga ng kalusugan bago uminom ng anumang gamot. Mahalagang ipagbigay-alam sa iyong tagapangalaga ng kalusugan na nagpapasuso ka. Hindi ligtas ang ilang gamot sa pagpapasuso.

• Tandaan: Naipapasa ang alak, mga sigarilyo, at mga droga sa iyong gatas sa dibdib. Makipag-usap sa iyong tagapangalaga ng kalusugan kung umiinom ka ng alak, naninigarilyo, o gumagamit ng mga droga. Gusto niyang tulungan ka at ang iyong sanggol na maging malusog hangga't maaari.